Бизнис
СИЛЕН ДНЕВЕН ПАД НА ЦЕНАТА НА НАФТАТА, трговците се загрижени од проценките на ОПЕК
13.08.2024
Цените на нафтата доживеа стрмоглав пад по денешното тргување во азиските пазари. Трговците во земјите од азискиот регион се загрижени по објавата на проценките на ОПЕК за намалување на годинашнава продажба на нафта, што се должи главно на неизвесноста околу растот на кинеската економија.
Барел тексашка сирова нафта за испорака во септември утрово се продаваше за 79,50 долари, што е за 56 центи помалку од вчерашниот ден на тргување. Терминските цени за октомври за нафтата Брент на берзата во Лондон се намалија за 65 центи и достигна 81,65 долари за барел.
Групацијата на земјите производители на нафта ОПЕК вчера ја намали проценката за годинашната потрошувачка за 135.000 барели на 2,1 милион барели дневно. Главната причина е неизвесноста за остварување на економскиот раст на Кина, пренесе АФП.
Цените на нафтата од почетокот на годината до крајот на мај во просек забележаа раст, а потоа почнаа да се намалуваат. На ова најмногу влијаеше и попуштањето на геополитичката напнатост.
фото freepic