Бизнис
ОТПОР НА АМЕРИКАНСКИТЕ ПОТРОШУВАЧИ КАКО ЗАВРШЕН УДАР НА ИНФЛАЦИЈАТА, компаниите се принудени да ги намалуваат цените во САД
13.08.2024
Американските потрошувачи повеќе не се расположени да ги плаќаат високите цени на трговците, кои се принудени побавно да ги креваат цените или и да ги намалуваат. На овој начин граѓаните придонесуваат за ладење на ифлаторниот притисок во САД.
Американските економисти тврдат дека големиот инфлаторен бран во САД е кон крајот, а за тоа директно влијаело однесувањето на потрошувачите, затоа што одбиваат да купуваат скапи производи и услуги. Како што пишува АП, некои од најголемите компании сигнализираат дека потрошувачите бараат се повеќе поевтини алтернативи за производи и услуги, ги чекаат попустите или едноставно ги избегнуваат производите кои ги сметаат за прескапи.
Американските потрошувачи се враќаат на навиките од пред пандемијата, кога компаниите не се обидуваа пресилно да ги зголемат цените, за да не изгорат во својот бизнис.
- Иако, инфлацијата е намалена, цените и натаму се високи и дојдено е до моментот кога потрошувачите не ги прифаќаат високите цени. Тоа е тоа што се бараше, трговците да ја „платат“ цената од превисоките цени, изјави Том Баркин, претседателот на огранокот на Федералните резерви на американската централна банка во Ричмонд.
Отпорот на потрошувачите кои се почуствителни на подигнување на цените е едно од објаснувањата зошто инфлацијата во САД постојано опаѓа кон посакувана годишна стапка од два отсто, кои ги постави Федералните резерви.
Огранокот на Федералните резерви во Њујорк објави дека расположението на Американците за тоа колку ќе потрошат во наредните 12 месеци се намалува и дека се намалени и нивните инфлаторни очекувања. Потрошувачите за наредните 12 месеци би потрошиле 4,9 отсто повеќе пари, што е најниско очекување од април 2021 година, пренесува „Вијести.ме“.
фото freepic