Бизнис
ВЛАДАТА НА СРБИЈА НАЈАВИ „ПРЕСМЕТКА“ СО ТИЕ ШТО ГИ КРЕВААТ ЦЕНИТЕ, инфлацијата во јули 4,3 отсто
13.08.2024
Меѓугодишната инфлација во јули во Србија изнесувала 4,3 отсто и таа се движи во насока на остварување на проекциите на Народна банка на Србија. Месечната инфлација во јули била 0,4 отсто и движења на цените ги одбележа еднократните поскапувања на одделни категории на храна, односно на лебот, кафето, кондиторските прозиводи , како и на растот на цените на услугите и на нафтените деривати, соопшуваат од Централната банка на Србија.
Заради смирување на инфлацијата, деновиве српскиот премиер Милош Вучевиќ најави „пресметка“ на државата со тие кои ги полнат џебовите, додека цената ја плаќаат крајните потрошувачи. Премиерот порача дека се истражува кој се учествува во надградба на цените на стоките во продавниците.
- Сакаме да покажеме на народот дека тоа не е политика на Владата, кога граѓаните реагираат на претседателот или на Владата кога ќе поскапат производите. Треба да знаат дека зад тоа стојат некои други, изјави Вучевиќ, при обраќањето по повод 100 дена работа на новата Влада.
Вучевиќ нагласи дека во оваа акција се вклучува Народна банка на Србија (НБС), како и Безбедносно-информативната агенција (БИА).
- Србија прифати пазарна економија, но пазарната економија не е анархија и таа има правила. Не морате да заработите 100 динари, можете да заработите 80. Да видиме кој се вмешува меѓу тие кои произведуваат и тие кои продаваат . Кој ги прави додатните цени кои ги плаќаат граѓаните, и да го поништи сето тоа што државата го прави во макроекономијата. Не е во ред некој да ги подигнува цените три, пет или седум пати, изјави Вучевиќ.
Економостите во Србија сметаат дека нема причина за вклучување на државните безбедносно служби во формирањето на цените, освен ако не станува збор за „нелегални начини на тргување“. Механизмите кои треба да ги штитат крајните потрошувачи, до сега главно беа на страната на „големиот профит“, па се поставува прашањето колку најавите на премиерот се искрени, пишува „Данас“.
фото freepic