Бизнис
ТУРИСТИТЕ ОД ТУРЦИЈА ЈА ПРЕПЛАВИЈА МАКЕДОНИЈА, 35 ГОСТИ НИ ДОЈДОА ОД ЈУЖНА АФРИКА, во јуни зголемен бројот на туристи и на ноќевања
12.08.2024
Во јуни годинава во земјава се евидентирани 119 751 туристи, од кои 23 % биле домашни туристи, а 77 % странски туристи, соопшти Државниот завод за статистика.
Бројот на ноќевањата во јуни 2024 година изнесува 245 249, од кои 27,6 % се од домашните туристи, а 72,4 % од странските.
Во периодот јануари – јуни 2024 година, во однос на истиот период од претходната година, бројот на туристите е
зголемен за 11,1 %, и тоа: кај домашните туристи за 3,3 %, а кај странските за 14,4 %.
Зголемување во периодот јануари – јуни годинава има и кај бројот на ноќевањата, за 9,9 %. Кај домашните туристи зголемувањето е за 6.3 %, а кај странските за 11.8 %
Најмогу туристи во Македонија пристигнале од Турција нивниот број во јуни изнесувал 33 757 лица, кои оствариле 45 621 ноќевања. Турските туристи учествувале со 36.6 отсто од вкупниот број на доаѓања и 27,7 отсто од бројот на ноќевањата во јуни. Истиот месец земјата ја посетиле 35 граѓани од Јужна Африка кои оствариле 52 ноќевања.
фото freepic