Бизнис
РЕКОРДНА ИСПЛАТА НА ШТЕТИ КАКО ПОСЛЕДИЦА ОД КЛИМАТСКИТЕ ПРОМЕНИ ВО ВЕЛИКА БРИТАНИЈА, осигурителните компании се откажуваат од полисите за штети за поплавени деловни објекти
12.08.2024
Осигурителните друштва во Велика Британија во текот на второто тромесечие годинава исплатиле рекордни 1,4 милијарди фунти, поради штетите настанати од временски непогоди ( поплави и пожари), кои се последица од климатските промени, соопшти Здружението на британски осигурителни друштва (АБИ).
Просечната цена за осигурување на дом во оваа земја е зголемена за шест отсто во однос на првото тромесечие годинава и изнесува 396 фунти. Просечната премија за комбинирана полиса поскапе за 19 отсто во однос на 2023 година.
Барањата за исплата на штети од домаќинствата и фирмите во Велика Британија достигнаа 144 милиони фунти. Ова е петто последователно тромесечие во кое барањата за исплата на штета се поврзани со временските неприлики, кои досега ја надминуваа вредноста од 100 милиони фунти, објавија од АБИ.
Зголемениот ризик од поплави во Британија поради излевање на реките и затнувањето на цевките за одвод ги поттикна осигурителните друштва да се откажат од нудењето на полиси за покривање на штетите, посебно кај комерцијалните објекти и изнајмувачи на станови, пренесува „Сеебиз“.
фото freepic