Бизнис
Македонските МСП-ja добија поддршка од 8.65 милиони евра преку Sustainable SME Reboot програмата
12.08.2024г.
ЕБОР, поддржана од Луксембург, Норвешка и Соединетите Американски Држави, се двигатели на транзицијата кон зелена економија
Европската банка за обнова и развој (ЕБОР) ја продолжува стабилната посветеност за поттик на растот на приватниот сектор во Северна Македонија. Значајна одредница со одлични резултати претставува програмата на ЕБОР, Sustainable SME Reboot Programme, финансирани од Луксембург, Норвешка и Соединетите Американски Држави.
До денес, во Програмата се инвестираше преку 8.65 милиони евра во 65 проекти низ земјата, со фокус на регионалниот развој и балансирање на економските разлики. Различни сектори, кои вклучуваат производство, храна и пијалаци, транспорт, градежништво, земјоделство и агро-индустрија, малопродажба и услуги и медицински здравствен сектор ги ползуваа придобивките од Програмските иницијативи.
Значајни инвестиции се реализирани во фотоволтаични системи, производствена опрема, ЕУРО-6 возила, што укажува на различниот опсег на поддржани иницијативи.
Стентон Градба е меѓу повеќето македонски компании кои неодамна инвестираа во модернизирање на нивната опрема преку Sustainable SME Reboot програмата за Западен Балкан.
„Неодамна набавените возила се енергетски ефикасни и опремени со ЕУРО-6 мотори. Тие ги намалуваат емисиите на CO2 до 72.42 тони годишни, споредено со оние возила со кои се заменети. Тоа е значајно на најмалку две нивоа. И дава на компанијата одговорни ЕСГ практики кои придонесуваат пошироко во околината. И, дополнително, адресираат на слабата точка: загадувањето на воздухот во земјата,” вели Гоце Стојановски, директорот на компанијата.
Стартувана во 2022 година во соработка со локалните партнерски финансиски инститиции (Комерцијална банка, ПроКредит, Шпаркасе и Стопанска банка), Програмата Sustainable SME Reboot овозможува поддршка за малите и средни претпријатија (МСП-ја) во Северна Македонија среде предизвиците од пандемијата Ковид-19. Со над 90% од инвестициите посветени во поттик на транзицијата кон зелена економија, Програмата ја движи напред одржливоста во заштитата на околината.
МСП-ја добиваат кредити до износ на 1 милион евра преку Програмата за иницијативи на трансформација во заштита на околината, безбедност и здравје при работа и квалитет и безбедност на производите. По пат на усогласување со приоритетните европски и меѓународни директиви, МСП-ја ја зајакнуваат нивната конкурентна предност на домашен и меѓународен пазар.
Понатаму, Програмата е усогласена со транзициските квалитети на ЕБОР за развој на одржлива пазарна економија, со акцент на родова еднаквост и таргет на четири од 6 квалитети: зелена, конкурентна, инклузивна и отпорна економија.
МСП-ја кои учествуваат во Програмата, подеднакво, ползуваат грант до 15% и бесплатна техничка помош, финансирани од Луксембург, Норвешка и Соединетите Американски Држави, преку ЕБОР Small Business Impact Fund (Ирска, Италија, Јапонија, Кореја, Луксембург, Норвешка, Тајпеј Кина, Соединетите Американски Држави, Швајцарија и Шведска). Овие грантови и техничка поддршка понатаму ги оптимизираат инвестициите на МСП-ја, поттикнувајќи одржлив раст и развој.
Продолжувајќи ја транзицијата кон одржлива пазарна економија во Северна Македонија, Sustainable SME Reboot Програмата ја нагласува колективната посветеност на ЕБОР и нејзините партнери во градењето отпорни и по зелени МСП-ја во регионот.