Бизнис
ИТАЛИЈА СЕ СООЧУВА СО „ПРОТЕСТ НА ЧАДОРИТЕ ЗА СОНЦЕ“ , директивата на ЕУ предвидува концесиите за плажи да се издаваат на јавен конкурс
11.08.2024
Концесионерите на плажите во Италија најавуваат штрајк на средината главната туристичка сезона во август како одговор на политиката на Европската Унија и владата во Рим. Штрајкот за почеток ќе трае два и пол часа наутро, а времетраењето на „Протестот на чадорите за сонце“ ќе се зголемува до крајот на месецот. Причината за протестот на концесионерите е спроведување на директивата на Европската Унија која Италија избегнува да ја спроведе 20 години.
Лежалките и чадорите за сонце се национални културни добра, но концесионерите на италијанските плажи остваруваат високи приходи. Просечната дневна наемнина за две лежалки и чадори минатата година беше 30 евра, а на некои полуксузни плажи достигнуваа и над сто евра. Многу фамилии кои стаопанисуваат со плажите се збогатија, благодарение на овој вносен бизнис.
Италијанскиот брег и припаѓа на државата, но повеќе од половината плажи се издадени под концесија на приватни лица, со децении и без јавен конкурс и со ниски наемнини, пишува „Дојче веле“. Концесионерот во просек плаќа околу 8.200 евра годишно, но приходите се многукратно повисоки. Центарот за европкси политики (ЦЕП) пресметал дека просечниот годишен приход изнесува 260 илјади евра по една плажа во периодот од 2016 до 2020 година.
Задржувањето на сегашната состојба е загрозена од ЕУ директивата , која требаше да биде спроведена во 2006 година. Директивата предвидува државните концесии за плажите треба редовно да се спроведуваат на конкурси, затоа што станува збор за јавно добро. Аргументите на италијанската влада се дека на овој начин се оневозможува со плажите да управуваат странски концесионери. Конкурсната процедура на национално ниво треба да почне во 2025 година, пренесува „Пословни.хр“.
фото freepic