Бизнис
ВО ГЕРМАНИЈА ЖЕНИТЕ МЕНАЏЕРКИ ГО ПРЕЗЕМААТ РАКОВОДЕЊЕТО ВО КОМПАНИИТЕ, законските одредби за воведување на родови квоти дале резултат
11.08.2024
Учеството на жените на водечките позиции во германските компании, чии акции се регистрирани на берза, достигна рекордно ниво. Во мај 2024 година, 37,3 отсто од местата во надзорните одбори во 180 анкетирани компании се извршуваат од жени, пишува „Дојче веле“.
Во истражувањето на организацијата „Жени во надзорните одбори“ (Фидар) се опфатени компаниите од кои се формира берзанскиот индекс DAX. Во 2023 година во надзорните одбори жените учествуваа со 35,3 отсто, а во управните одбори со 19,3 отсто и годинава има еден отсто повеќе жени.
Неколку години постојат законски прописи за учеството на жените во управите тела на големите компании во Германија. Определена е задолжителна квота за партиципација на жените од 30 отсто во надзорните одбори и таа се почитува од 180 анкетирани фирми во Германија. Од 2022 година во управните одбори кои имаат повеќе од три члена мораат да имаат најмалку една жена и еден маж (ова е минималниот услов). Овој закон се однесува само за берзанските компании и тие кои имаат повеќе од 2.000 вработени.
Германската железница (Дојче бан) планира до 2035 година да го зголеми уделот на жени на раководни позиции на 40 отсто. Годинашнава цел е овој процент да достигне 30 отсто и тој е веќе исполнет, пишува ДВ.
Авторите на истражувањето нагласуваат дека законските одредби за воведување на родови квоти дале резултат. Од воведувањето во 2022 година, просечното учество на жените во управните одбори во германските компании пораснале од 4,6 на сегашни 20 отсто.
Во 76 претпријатија за кон не се однесува законската одредба, учеството на жените стагнира на 14,9 отсто, пренесува Н1.
фото freepic