Бизнис
МАКАРСКА ОСТАНУВА ТУРИСТИЧКИ „РАЈ“ ЗА ГРАЃАНИТЕ ОД БИХ, од нив побројни се гостите од Полска
09.08.2024
Познатото хрватско летувалиште Макарска оставнува едно од најпосакуваните одредишта за летување на граѓаните од Босна и Херцеговина. Туристите од БиХ со остварени 59.000 ноќевања се на второ место по бројот на посети во Макарска или со пораст повеќе од 15 отсто. Пред нив се само гостите од Полска со остварени 75.000 ноќевања и 10.700 доаѓања на туристи.
Годинава гостите од Украина се на трето место со 40 илјади остварени ноќевања со регистриран раст од 26 отсто. Во однос на јули минатата година германските туристи оствариле 10 илјади ноќевања помалку, пишуваат локалните портали во Макарска.
Според изјавите на сопствениците на приватни апартмани, годинава гостите од БиХ ги има помалку на макарската ривиера. Иако, Јадранот им е поблиску, поради високите цени во Хрватска, граѓаните од БиХ се свртуваат кон нови туристички дестинации, како што се Турција, Тунис или Египет. Годинава за туристите од БиХ најпривлечна дестинација е Хургада поради ниските цени во однос на понудената содржина, објави „Капитал.ба“.
фото freepic