Бизнис
ХРВАТСКА ЕЛДОРАДО ЗА СТРАНСКИТЕ КУПУВАЧИ НА НЕДВИЖНОСТИ, за четири години странците купиле 40.000 објекти претежно во приморјето
09.08.2024
По влегувањето во Европската Унија пазарот на недвижности во Хрвaтска претставува вистинско елдорадо за странските купувачи. Според податоците на Даночната управа, само лани странските државјани купиле 12.300 недвижности во Хрватска, претежно во приморските региони. Во 2023 година од хрватската даночна управа биле издадени решенија за 137.000 купородажби на недвижности. Во 2022 година странците купиле 13.300 недвижности, а во 2021 година 9.500 недвижности од вкупно регистрирани 123.000 купопродажни договори во таа година, пишува во анализaта на „Сеебиз“.
Се проценува дека и пред влезот во Европската Унија, словенечките државјани поседувале околу сто илјади викендици на јадранскиот брег. Грубата пресметка покажува дека во последните четири години странските државјани во Хрватска купиле повеќе од 41.300 недвижности. За споредба, во периoдот од 2013 до 2020 година странците купиле околу 5.000 недвижности.
Најмногу купувачи на недвижности во Хрватска има од Германија, кои пред две години купиле 3.600 недвижности, а во 2023 година околу три илјади станбени единици. Минатата година први на листата на купувачи биле Словенците, кои купиле 3.400 недвижности. Потоа следуваат купувачи од Австрија, Чешка, Словачка, Босна и Херцеговина, Унгарија, Полска, Италија, Холандија, Шведска...
фото freepic