Германија во јули годинава се соочи со неочекуван пораст на инсолвентноста меѓу физичките и правите лица, се наведува во извештајот што денеска го објави Институтот за економски истражувањ Хале (ИВХ) .

Најновите податоци го покажуваат неповолниот тренд на неможноста за редовна исплата на обврските, а 1.406 компании и поединечни субјекти поднеле барање за несолвентност во Германија во текот на минатиот месец. Ова е најголем вкупен месечен износ  во последната деценија и е зголемување од 37 отсто во однос на истиот период од 2023 година. Во споредба со јуни, барањата за стечај во јули се зголемени за 20 отсто, пренесува „Фена“.

Посебно се погодени компаниите во производниот сектор, каде има  значителен раст на стечаи. Во јуни 100 производни фирми поднеле барање за несолвентост. Во јули тој број се зголеми на 145, што е најголем број откако ИВХ почна да ги следи  податоците за специфичните индустрии во јануари 2020 година, пренесе „Бизнис.ба“.

фото freepic