Бизнис
СРБИЈА СО НАЈВИСОК РАСТ НА ЦЕНИТЕ НА СТАНОВИТЕ, во Швајцарија квадратот чини 20.452 долари!
07.08.2024
Србија е на прво место според порастот на цените на становите од 2023 до 2024 година, на второ место е Литванија, а трета е Романија. Исто така, во Малта и Шпанија било забележано значително зголемување на цените за еден квадрат во последната година, покажуваат податоците од студијата на „„Deluks holidej homs“, која ги користи и податоците на Банката за меѓународни порамнувања (БИС).
Швајцарија ја задржа највисоката цена за квадратен метар станбен простор од 20.452 долари (18.781 евро), но Швајцарците имаат и највисок проесечен приход и трошоци на живот. Од друга страна, Грција има најниска цена за квадратен метар осносно 3.157 долари (2.899 евра), пренесува „Еуроњуз“.
Во Србија цените на станови се зголемиле за 82,66 отсто од 2023 до 2024 година и еден квадратен метар изнесува околу 4.052 долари (3.721 евро). Просечните месечни приходи на граѓаните во Србија изнесува во просек 832 долара (764 евра).
Една од главните причини за силниот раст нацената на становите во Србија се ниските каматни стапки за станбените кредити. Исто така, граѓаните многу повеќе ги вложуваат своите девизни заштеди во недвижности, пренесува „Политика“.
фото freepic