Бизнис
Руските приходи од нафта и гас пораснале за 62 отсто
06.08.2024
Приходите во рускиот буџет од нафата и гасот за првите седум месеци годинава се зголемени за 61,6 отсто на меѓугодишно ниво, на 6,77 билиони рубљи или околу 72,85 милијарди евра, објави руското Министерство за финансии.
Даноците за експлоатација и извоз на нафта и гас од јануари до јули 2024 година, му донесе на рускиот буџет 7,94 билиони рубљи, односно 85,32 милијарди евра, пренесе ТАСС.
Производството на гас во Русија годинава ќе се зголеми за шест отсто на 675 милијарди кубни метри , се наведува во најновиот извештај на Меѓународната агенција за енергија (ИЕА). Според податоците на агенцијата, руското производство на гас во првата половина годинава е зголемена за седум отсто на годишно ниво. Русија ги зголеми испораките на гас во Кина за 35 отсто, а во пораст се и испораките во Европа, пренесува „Политика“.
фото freepic