Бизнис
Поскапи угостителски услуги: лебот за 5,4 отсто, печените меса за 0,5 отсто и ноќевањата за 14 отсто
05.08.2024
Цените на угостителските услуги во Македонија во јули 2024 година, во однос на истиот месец од претходната година, се зголемен за 4,8 отсто, соопшти Државниот завод за статистика.
Ладните и топли предјадења во јули годинава во однос на истиот месец лани поскапеле за 2,8 отсто, готовите јадења за 2,9 отсто, печените меса и јадење по порачка поскапеле за 0,5 отсто, алкохолните пијалоци за 4,3 отсто, лебот за 5,4 отсто и безалкохолните пијалоци за 5,7 отсто. Ноќевањата во истиот период се поскапи за 14,4 отсто.
Кумулативниот индекс на цените на угостителските услуги за периодот јануари – јули 2024 година, во однос на истиот период од минатата година, е зголемен за 5,6 отсто, додека во однос на декември 2023 година има раст од 2,4 отсто.
Цените на угостителските услуги во јули, пак, во однос на јуни 2024 година, останале на исто ниво.
фото freepic