Бизнис
КОЈ Е КОЈ ВО БИЗНИС-ОРГАНИЗАЦИИТЕ?
Економија и бизнис | печатено издание | 15 јули 2024г.
Стопанската комора на Северна Македонија, најстарата комора, за некои е препознатлива по единствената стара фасада на „Рекорд“, а некои не знаат дека го преживеала и земјотресот од 1963 г. и пак цврсто стои и денес на своите темели, иако уште ја тресат разни економски кризи.
Во преносна смисла, а инженерски контекст, СКСМ е како комплексна и софистицирана машина со висока прецизност. Секој дел од оваа машина е внимателно избран и беспрекорно функционира заедно, што резултира со извонредни технички перформанси на кадровските капацитети. Комората обезбедува платформа за компаниите и експертите да ги оптимизираат своите процеси, да ја усвојуваат најновата технологија и да го зголемуваат својот професионален раст.
Ако коморската машина во претходниот период (претходните децении) се загреваше, сега е пуштена во погон и комплетно одржлива сама по себе по модерен принцип за поддршка на циркуларната економија, на декарбонизацијата, на зелената агенда, на пристапот до нови пазари, на пристапот до финансии, до грантовска поддршка.
Нема тајна, само посветеност на професионализмот, отвореност кон иновациите, стратешко планирање, иновативен пристап и непрекината посветеност, способност да гледаме напред и на потребите на утрешниот ден, не заборавајќи ги вредностите со кои стигнавме до тука.
Нашата машина ги агрегира прописите, стратегиите, иновациите, информациите за финансии, бизнис-средби, предизвици, па ги преработува и брендирано спакувани ги пренесува како готов производ. Кој ја има информацијата, тој ја има моќта, затоа секогаш сме во чекор со глобалните трендови и со технолошкиот напредок, обезбедувајќи сигурност за членовите и подготовка за предизвиците на иднината.
СКСМ е повеќе од само бизнис-организација, таа е гуру, инспиратор и лидер кој поставува стандарди за извонредност. Комората е синоним за врвна професионалност и лидерство во бизнис-заедницата. Оваа институција претставува столб на економскиот напредок благодарение на својата способност да обединува, да поддржува и да промовира најуспешни компании и професионалци во земјава.
Заклучокот е едноставен − збирно место на бизнисот: „Димитрие Чуповски“ бр. 13, Скопје.
Статистиката вели − сме биле вредни минатата година.
94.11 − Дејност на деловни организации и организации на работодавачи врз база на зачленување и организациски облик 08.1 – комора. Стопанската комора на Северна Македонија, по приход 5-кратно поголема од втората следна институција формирана по Законот за комори (?), а со структура на вработени во број поголем од останатите 8 бизнис-организации заедно формирани по истиот закон, е совршена структура за стабилност и за статика непробојна на динамички влијанија.