Бизнис
ЕУ и ЕБРД со 100 милиони евра ќе истражуваат критични суровини, во планот е вклучена и Македонија
04.08.2024
Европската банка за обнова и развој (ЕБРД) и Европската Унија преземаат заеднички механизам за финансирање на истражување на критични и суровини кои се неопходни за дигитална и зелена транзиција на ЕУ. Со планот се обезбедуваат до 100 милиони евра, од нив 25 милиони се од ЕБРД, а ќе бидат мобилизирани и дополнителни 50 милиони евра.
Со овие средства ќе се олеснат вложувањата во операциите кои се во рана фаза на реализација во земјите членки на ЕУ во кои делува ЕБРД. Тоа се: Бугарија, Хрватска, Чешка, Естонија, Грција, Унгарија, Литванија, Полска, Романија, Словачка и Словенија. Во програмата „Хоризон Европа“ ќе бидат вклучени и економиите надвор од Унијата, како што се Албанија, Ерменија, Босна и Херцеговина, Грузија, Косово, Молдавија, Црна Гора, Македонија, Србија, Тунис, Турција и Украина.
ЕБРД очекува да бидат вклучени десетина рударски компании кои преземаат истражувања за клучните суровини во земјите кои ги исполнуваат условите.
- ЕУ развива одржливи проекти за критични суровини за да се намали ризикот од потенцијални нарушувања со синџирот на набавки. Со ова ќе се обезбеди индустриските сектори да имаат ресурси за одржливи еколошки и општествени стандарди на ЕУ, соопштуваат од ЕБРД, пренесува „Сеебиз“.
фото freepic