Бизнис
Рекорден број за концесии за грчките плажи, туристите се жалат на одземениот простор
03.08.2024
Во Грција оваа летна сезона бројот на издадени концесии закористење на плажите од хотелските капацитети достигна рекордни 1.650 дозволи, што е многу повеќе над почетната процена од 1.200 дозволи одобрени од Министерството за финансии.
Но зголемен е и бројот на пријавите на хотелите кои ги кршат условите за концесија, најчесто со проширување на просторот што не е опфатен со договорот или со промената на природата на работењето, пишува „Катимерини“.
Во екстремните случаи, хотелите кои добиле право да постават штанд со храна на јавната плажа изградиле и кафулиња. Поради тоа, државните и локалните органи во јули извршиле 10.000 инспекциски надзори.
Министертсвото за финансии соопштува дека се контролирани повеќе од 1.100 правни субјекти, а изречените казни надминале вредност од 1,15 милион евра.
фото freepic