Со Фискалната стратегија на Црна Гора од 2024 до 2027 година се предвидува воведување на акциза на електрична енергија, која би се применувала од датумот на влегување во Европската Унија, бидејќи плаќањето на акцизата е обврска во земјите членки.

Како година за можно влегување на Црна Гора во ЕУ се споменува 2028 година. Од Министерството за енергетика на ЦГ појаснуваат дека воведувањето на акцизата на струјата претставува усогласување на постојниот закон со директивата од 2003/96/ЕЗ со рестректурирање на системот на заедницата за оданочување на енергентите и електричната енергија, пренесува „Екапија“.

На примерот со Хрватска, оваа акциза е воведена на 1 јули 2013 година, тоа е  денот кога земјата влезе во ЕУ, и тоа за категоријата на потрошувачи од бизнис секторот, додека за секторот на домаќинствата не се воведе. Акцизите на електрична енергија за компаниите во Хрватска, кои ја користат струјата за деловни потреби, изнесува 0,5 евра за мегаватчас или 0,05 евро центи за киловатчас. Акцизата за неделовни цели изнесува едно евро за мегаватчас.

Акцизите на електрична енергија во Хрватска не се пресметуваат за домаќинствата, како ни за фирмите кои струјата ја користат за хемиска редукција и во електролитски и металуршки процеси (производство на метали), за рударство , за заедничко производство на топлотна енергија  и за струја произведена од обновливи извори на енергија и од биомаса. Во Србија оваа обврска на потрошувачите, како за домаќинствата и за стопанството, е воведена во 2015 година, во време на фискалната консолидација и таа изнесува 7,5 отсто, а се пресметува и ДДВ од 20 отсто, објаснуваат од Министерството за енергетика на ЦГ, пренесува „Енергетика.ба“.

фото freepic