Протестите на локалното население во популарните шпански одморалишта против странските гости не го спречи приливот на нови туристи во Шпанија, која во првата половина на 2024 година бележи за 13 отсто повеќе туристички посети. За шест месеци до крајот на јуни, 43,5 милиони туристи од странство ја посетиле Шпанија. Во јуни е забележан раст од 12 отсто , објави шпанската агенција за податоци ИНЕ.

Прогнозите од првата половина на 2024 се дека годинава ќе биде надминат бројот од 85 милиони туристи и ова ќе биде нова рекордна година за Шпанија, која е втора најпосетена земја со светот по Франција. Податоците покажуваат дека туристите во јуни потрошиле 12,3 милијарди евра, за 17 отсто повеќе од истиот период лани.

За некои Шпанци во најпопуларните одморалишта, вклучително и во Мајорка, Барцелона и Канарските острови,  туристите претставуваат проблем. Затоа беа организирани бројни протести против масовниот туризам, кој влијае на високите трошоци за живеење на локалните жители, пренесува „Бизнис.ба“.

фото freepic