Бизнис
Во Германија во јули има висок скок на невработеноста
31.07.2024
Бројот на невработени лица во Германија во јули нагло се зголеми и е над очекувањата за овој период во годината. Во јули има зголемување на невработените за 82.000 лица во однос на претходниот месец. Невработеноста во јули во земјата изнесува 2,809 милиони лица, објави Сојузниот завод за статистика.
Стапката на невработеност е шест отсто или за 0,2 процентни поени повеќе од јуни годинава, пренесе агенцијата ДПА.
- Слабиот економски развој се одразува на пазарот на трудот. На почетокот на летните одмори, невработеноста и недоволната вработеност пораснале над вообичаеното ниво, изјави Данијел Терценбах, од Сојузниот завод за статистика.
Во споредба со истиот месец минатата година, бројот на невработени во Германија се зголеми за 192.000. Воедно, има и помалку слободни работни места и нивниот број изнесува 703.000 што е помалку за 60.000 од истиот период претходната година.
фото freepic