Бизнис
Македонското индустриското производство во голем пад
31.07.2024
Државниот завод за статистика објави најнови податоци за намалување на индустриското производство од 6,5 проценти во јуни. Според податоците на ДЗС индексот на индустриското производство во јуни 2024 година, во однос на јуни 2023 година, изнесува 93.5, а највисоко намалување од 16,7 отсто има во секторот Снабдување со електрична енергија, гас, пареа.
Кај секторот Рударство и вадење на камен има намалување на индустриското производство од 9,5 отсто, во секторот Преработувачка индустрија намалувањето е 4,2 отсто.
- Според главните индустриски групи, производството во јуни 2024 година, во однос на јуни 2023 година, бележи опаѓање кај Енергија за 13,7 отсто, Капитални производи се намалени за 11 отсто и Нетрајни производи за широка потрошувачка за 7,1 отсто, соопштуваат од ДЗС.
Пораст има кај Трајни производи за широка потрошувачка за 13,6 отсто, додека кај Интермедијарни производи, освен енергија е на исто ниво.
Индексот на индустриското производство во периодот јануари - јуни 2024 година, во однос на периодот јануари - јуни 2023 година, изнесува 94,9, објави Државниот завод за статистика.
фото freepic