Бизнис
Туристичкиот промет во Хрватска во стагнација, приватното сместување бележи пад во ноќевањата
28.07.2024
Првите податоци за резултатите на годинашната туристичка сезона во Хрватска покажуваат благ пад во прометот во угостителството и во бројот на ноќевањата, што е поизразено за апартманите во приватно сместување. Хрватските туристички организации очекуваат приближен промет како и во 2023 година, која се смета за добра туристичка сезона.
- Очекуваме во овој период од годината да имаме борба за гости, поради одржувањето на Европското првенство во фудбал и на Олимписките игри. Резултатите на ниво на државата се во согласност со стратегијата за развој на туризмот. Во претсезоната имавме поголем раст на прометот, од тој што го имаме во главната туристичка сезона. Во сезоната немаме раст, туку имаме стагнација на прометот, а во некои микролокации имаме и намалување, вели Јелена Табак, раководител на Здружението на угостителски дејности во Хрватската стопанска комора.
Јосо Смолиќ, претседател на хотелските и угостителските претпријатија во Хрватска објаснува дека гостите помалку трошат, но сите податоци покажуваат дека туристичкиот промет е на ниво од минатата година. Намалувањето на бројот на ноќевањата е во мали проценти и тоа е изразено во приватното сместување, што можеше и да се очекува од причина што годинава во Хрватска има нови 23.000 кревети повеќе во однос на претходната година, објави „Еуроњуз“.
фото freepic