Бизнис
Јужна Кореја има најмногу мини маркети, во нив се купува, јаде, да се нарачува онлајн, да се наполни мобилен телефон или е-тротинет...
27.07.2024
Во Јужна Кореја има повеќе од 55.200 мини маркети или по еден на секои 950 жители, што ја одвојува земјата по начинот на задоволување на потребите на граѓаните за набавка на храна и да се користат други услуги. Мини маркетите во Јужна Кореја се познати по иновативните стратегии во продажбата и претставуваа главен малопродажен канал за понуда на разни производи во текот на 24 часа во денот.
Јужнокорејскиот продажен систем на маркети се разликува од другите земји во светот според неколку фактори. Прво, во нивните мини маркети може да се купува се , од храна и пијалок до разни поситни потреби за домаќинството и други услуги кои се поврзани со локалниот стил на живеење. Во мини маркетите во Јужна Кореја може да се наполнат мобилните телефони, да се подигне готовина, да се нарача преку интернет, може да се користи достава на производите на домашна адреса, а во некои од нив може и да се наполни електричен тротинет или да се размени некоја странска валута и сл.
Во маркетите во Јужна Кореја може и да се јаде на маси поставени во одвоен дел од продавницата и да се нарача од разни инстант јадења и супи и други специјалитети од корејската кујна.
Развојот на мрежата на мини маркети се должи и на демографските карактеристики во земјата во која има се поголем број на самци, кои можат евтино и брзо да нарачаат храна. Некои од големите синџири на мини маркети почнуваат да се шират и во другите околни азиски земји, како што е Виетнам, пренесува „Пословни дневник“.
фото freepic