Бизнис
Во Белград просечната плата надмина 1.000 евра!
25.07.2024
За прв пат во Србија просечната плата ја надмина вредноста од 100.000 динари, односно 855 евра, објави српскиот претседател Александар Вучиќ, во синоќешната видео порака на Инстаграм.
Претседателот на Србија соопшти дека ги добил официјалните податоци за просечните плати за мај, а дека просечната плата во Белград е над 1.000 евра.
- Просечната плата во Белград е 1.075 евра, во Нови Сад 982 евра, во Ниш 813 евра и се приближува кон просекот. Ви се обраќам затоа што за прв пат во земјата просечната плата надмина 100.000 динари. Просечната плата е 855 евра, а пред десет години беше 330 евра, рече Вучиќ.
Како што пренесуваат српските медиуми, претседателот Александар Вучиќ најави дека до крајот на годината просечната плата во земјата ќе надмине 900 евра, а следната година над 1.000 евра, но како што им порача на граѓаните дека „мораме да работиме повеќе и понапорно“.
фото freepic