Бизнис
Европа поседува доволно земјиште за обновливите извори на енергија
24.07.2024
Европа има доволно земја за одржливо ширење на обвновливите извори на енергија без да го загрози производството на храна или природата, се посочува во најновата анализа на Европската канцеларија за околина (ЕЕБ).
Според истражувањето, декарбонизацијата на Европската Унија до 2040 година опфаќа само половина од земјиштето кое одговара за обновливи извори на енергија. Од ЕЕБ проценуваат дека само 2,2 отсто од вкупната површина на ЕУ ќе биде потребна за поставување на сегашните и идните соларни и ветерни електрани, со што би се спровел процесот за постепено укинување на фосилните горива и нуклеарната енергија за да се постигне целта за климатска неутралност до 2040 година.
Според податоците на Заедничкиот истражувачки центар на Економската комисија 5,2 отсто од земјиштето на ЕУ може да се смета за „добро“ за развој на соларната енергија и енергијата од ветер, а тоа да се базира на строгото почитување на земјоделските, еколошките и техничките критериуми. Поголемиот дел од земјиштето кое е погодно за одржлив развој на обвновливите енергии се наоѓаат во руралните подрачја.
Европската канцеларија за околина посочува дека Германија и Италија немаат доволно земјиште за обновливи извори на енергија, но Шпанија и Романија поседуваат многу поголем капацитет од нивните енергетски потреби. Затоа, е потребна европско поврзување на ресурсите, урамнотежување на дистрибуцијата на енергијата и остварување на целта за декарбонизација на ЕУ, пренесува „Сеебиз“.
фото freepic