Бизнис
До 2027 година Србија ќе ја реконструира целосно железничката мрежа
24.07.2024
До 2027 година во Србија ќе биде обновена целосно постојната железничка мрежа, а во последните десет години се изградени 108 километри нова брза пруга и реконструирани се илјада километри од постојната железничка мрежа. За три години треба да бидат обновени уште две илјади километри пруга, изјави денеска Јелена Танасковиќ, в.д. генерален директор на претпријатието „Инфраструктура на железница Србија“.
Годинава ќе биде завршена изградбата на брзата пруга Белград-Суботица, а по нејзиното пуштање во употреба граѓаните ќе можат да патуваат за 80 минути од Белград до Суботица , а од Нови Сад за Суботица за 40 минути.
Во јули се почнати работите за изградба на железничка обиколница кај Ниш во должина од 22 километри и таа ќе биде пуштена во функција во третиот квартал од 2027 година. Паралелно се работи и на изградбата на пруга Ниш-Димитровград, а оваа релација ќе се поминува за 100 минути. Србија планира да ја реконструира и пругата Белград-Бар, пренесе РТВ.
фото freepic