Бизнис
Германските компании со користење на вештачка интелегенција ќе ја зголемуваат продуктивноста
19.07.2024
Во Германија 27 отсто од компаниите користат алатки за вештачка интелегенција (ВИ), што е за двапати повеќе во однос на минатата година кога овој процент изнесуваше 13,3 отсто, објави Институтот за економски истражувања ИФО од Минхен.
Податоците покажуваат дека дополнителни 17,5 отсто од компаниите во Германија планираат да ја користат вештачката интелегенција во наредните месеци. Околу 20 отсто од германските фирми не размислуваат за воведување на ВИ.
- Трендот на прифаќањето на вештачката интелегенција најверојатно ќе се забрза . Компаниите очекуваат дека употребата на вештачката интелегенција ќе ја зголеми продуктивноста за повеќе од 10 отсто, изјави Клаус Волрабе, раководителот на истражувањето во ИФО.
Бројот на германските компании кои користат вештачка интелегенција во своите деловни процеси се зголеми во речиси сите сектори. Повеќе од 33 отсто од компаниите во автомобилската, електронската, фармацевстката, текстилната и текстилната индустрија веќе применуваат алатки од ВИ.
Во секторот на огласување и истражувањње на пазарот овој процент изнесува 72 отсто, а во ИТ услугите изнесува 60 отсто, додека во секторот за малопродажба 22 отсто.
Најмало расположение за користење на ВИ има во градежниот сектор во Германија и во угостителскиот сектор, пренесува „Еуроњуз“.
фото freepic