Бизнис
Во Албанија работат 400 работници преку иницијативата Отворен Балкан
18.07.2024
Договорот за слободен пристап на пазарот на работна сила во рамките на иницијативата Отворен Балкан, кој се применува од почетокот на март годинава, ги дава почетните резултати за албанските компании. Со идентификациониот број на ОБ се пријавиле 400 работници. Според податоците на албанската агенција за вработување во оваа земја работат 12.000 странски работници. Од нив 70 отсто се од Америка и Канада, од Филипини, Бангладеш и Индија и од европските земји.
Клевис Хиса, директор на државната Агенција за вработување и вештини нагласува дека Албанија го олесни процедурите за вработување на странски работници од повеќе земји.
- Посебно внимание се посветува на земјите од Западен Балкан и за тоа се потпишани и посебни договори. Сега имаме околу 400 вработени од овие земји и очекуваме нивниот број да расте, изјави Хиса, за РТС.
Работниците од Србија во Албанија се ангажирани во менаџментот, трговијата, транспортот, логистиката, градежништвото и во туризмот. Со билатералните договори меѓу двете земји на странските работници им се овозможува здравствена заштита, право на пензија и други социјални права.
фото freepic