Од јули 2024 година цените за струја, гас и централно греење за граѓаните во Виена ќе бидат пониски во однос на потрошувачите во другите градови во Австрија. Поради позитивните ефекти од вложувањата во обновливи извори на енергија, поефикасно искористување на електричната мрежа и воведување на технолошки иновации, компанијата „Виена Енeрџи“ овозможи поевтинување на своите услуги за домаќинствата  и за малите и средните претпријатија. Со ова, повеќето приватни потрошувачи можат да уживаат  во поевтинувањето на електричната енергија до 55 отсто!

Тарифите за малите и средните претпријатија се намалени во однос на минатата година до 56 отсто. Цената на гасот е намалена меѓу седум и 20 отсто во однос на минатата година, а пониските цени можат важат и за новите корисници.

- Од минатата година подготвуваме пакет на олеснувања за плаќање  во вредност од 340 милиони евра. Дополнително ќе вложиме 50 милиони евра за подобрување на понудата на енергентите, вели Петер Ханке, член на градската влада задолжен за финансии, економија и меѓународните работи и јавни претпријатија.

Покрај 50 милиони евра за поевтинување на струјата и гасот во 2024 година, „Виен Енерџи’ нуди и попусти за централно греење  и за тоа ќе издвои 140 милиони евра, пренесува „Бизнис.ба“.