Бизнис
Црна Гора подготвува закон за постојан сезонски работник!
01.07.2024
Владата на Црна Гора планира да ја намали сезонската невработеност и да го регулира недостигот на работна сила во текот на туристичката сезона со воведување на категоријата на постојан сезонски работник. Со законските измени вработените ќе останат на работните места по завршувањето на туристичката сезона, а за тоа ќе им биде исплатувана плата и придонеси и за периодот кога нема да работат.
Министерството за труд и социјална заштита на Црна Гора работи на нацрт законот за воведување категорија на постојани сезонци, за да може ефективно да се искористи домашната работна сила, информира „Вијести“.
Изработката на законот е во почетна фаза и во овој момент не можат да се дадат поконкретни одговори за начинот на вработување на работниците по завршување на летната сезона. Но, донесувањето на Законот за постојаните сезонци ќе биде важен дел од реформите за подобрување на понудата на пазарот на работна сила, посочуваат од Министерството за труд на ЦГ.
фото freepic