Бизнис
Хрватска оствари раст од 24,6 отсто на туристички приход во претсезоната
30.06.2024
Приходите од странските туристи во Хрватска, според податоците на Хрватската народна банка, во првиот квартал годинава инесуваат 824,7 милиони евра. Ова претставува раст од 24,6 отсто во споредба со првите три месеци минатата година или се остварени повисоки приходи од туризмот за 162,9 милиони евра, пренесува „Мина“.
Министерот за туризам и спорт Тончи Главина изјави дека се задоволни од трендот на остварување на рекордни приходи од странските туристи.
- Од 2016 година приходите од странските туристи изнесувале рекордни 14,6 милијарди евра, а има зголемување од 76 отсто. Сега овој раст е повеќе изразен и во месеците надвор од туристичката сезона, вели Главина.
Според негово мислење, Хрватска се позиционира и како целогодишна туристичка дестинација, а за тоа потврда се и податоците за предсезоната и во првите пет месеци годинава остварен е повисок туристички промет за 12 отсто во споредба со другите години.
фото freepic