Бизнис
ЕУ го истражува трошењето на средствата од ИПАРД за Албанија
26.06.2024
Европската комисија соопшти дека престанала да ги исплатува надоместоците за потрошените средства за Албанија од јули 2023 година и ги прекина сите мерки во рамките на Инструментот за претпристапна помош во областа на руралниот развој (ИПАРД) , поради наводни неправилности во трошењето на средствата констатирани во истрагата која ја спроведува Европската служба против измами (ОЛАФ).
Комисијата покрена процедура со албанските власти за да се обезбеди спроведување на соодветни корективни мерки, изјави Олоф Гил, портпарол на Комисијата за трговија и земјоделство, во изјава испратена за „Сеењуз“.
- Станува збор за пари од даночните ообрзници на ЕУ, очекуваме албанските власти сериозно да го прифатат ова прашање. ЕУ е подготвена во иднина да продолжи со поддршката на албанските земјоделци и земјоделско-преработувачкиот сектор и руралните региони, но под услов целосно да бидат заштитетни финансиските интереси на Европската Унија, додаде Гил.
Меѓу констатираните неправилности било утврдено дека одделни корисници на грантови им плаќале однапред на одбрани локални консултанти, договорите биле доделувани со наместени процедури, прикажување на нереално високи цени и биле кршени договорните правила, покажува годишниот извештај на ОЛАФ.
Европската Унија издвои 71 милион евра за ИПАРД 2 во Албанија во периодот 2014-2020 година. Во април минатата година, ЕУ најавија околу 112 милиони евра за ИПАРД 3 програмата во Албанија за периодoт 2021-2027 година, пренесе „Нова економија“.
фото freepic