Бизнис
Во Германија продолжува падот на цените на становите
21.06.2024
Цените на недвижностите во Германија продолжуваат да паѓаат во првиот квартал годинава во просек за 5,7 отсто на годишно ниво, покажуваат податоците на Сојузниот завод за статистика.
Високите трошоци за финансирање и изградба претставуваат проблем за германската економија, предизвикувајќи најголема криза во сектор недвижности во последните десет години, пренесе „Ројтерс“.
Минатата година цените на становите се намалија за 8,4 отсто и ова е најголем пад откако се води статистичка евиденција од 2000 година.
Според анкетата во која учествувале аналитичари од агенции за недвижности, цените ќе продолжат да паѓаат и во 2024 година, најверојатно за два отсто. Од 2025 година се очекува да растат исто така за два отсто.
Економистот во Ландесбанк Баден-Виртемерг Мартин Гут очекува дека падот на цените на недвижностите да се престане, но најави зголемена побарувачка за сопствени куќи, додека недостигот на станови и натаму ќе биде висок.
фото freepic