Бизнис
Продажбата на електрични автомобили во ЕУ намалена за 12 отсто
20.06.2024
Продажбата на нови електрични автомобили на батерии во Европската Унија во мај се намалила за 12 отсто во однос на истиот месец минатата година, покажуваат податоците на Европската асоцијација на производители на автомобили (АЦЕА).
Германија е најголем пазар за електрични возила во ЕУ и нејзината влада во декември ги укина субвенциите за овие возила. Поради ова продажбата на автомобили во Германија е намалена за 30 отсто.
Вкупната продажба на нови автомобили во ЕУ е намалена на меѓугодишно ниво за три отсто. Во поширокиот европски пазар, во кој влегуваат ЕУ, Велика Британија и Европската асоцијација за слободна трговија (ЕФТА), намалувањето на продажбата на автомобили изнесува 2,6 отсто.
Побарувачката на електрични возила во Европа во последните месеци забележува стагнација по повеќегодишниот раст. Едновремено се заострува и конкуренцијата меѓу производителите од различните земји во светот.
Европската комисија минатата недела најави дека ќе воведе привремени царини до 38,1 отсто на електричните возила произведени во Кина, заради заштита на домашното производители на автомобили, пишува „Нова економија“.
фото freepic