Бизнис
Бугарија и Романија со највисок раст на трошоците за работна сила
18.06.2024
Номиналните трошоци за работна сила за работен час во земјите од еврозоната во првите три месеци од годинава биле за 5,1 отсто повисоки отколку во истиот период во 2023 година. На ниво на Европската Унија трошоците за работна сила се повисоки за 5,5 отсто, покажуваат податоците на Евростат.
Трошоците за платите во еврозоната се зголемија на почетокот на годината за 5,3 отсто, а трошоците за придонеси за 4,5 отсто. Во ЕУ трошоците за платите пораснала за 5,8 отсто, а на придонесите за 4,8 отсто, пренесува „Лидер медиа“.
Од земјите на ЕУ, номиналните трошоци за плати и придонеси најмногу се зголемиле во Романија, за 16,4 отсто во однос на истиот период од 2023 година. Следува Бугарија со раст на вкупните трошоци за работна сила од 15,8 отсто. Во Хрватска зголемувањето на номиналните трошоци за работната сила изнесува 15,2 отсто .
Двоцифрен раст на вкупните трошоци за работна сила забележаа и Полска, Унгарија, Летонија, Словачка и Литванија од 14,1 до 10,9 отсто. Најмал раст е забележан во Белгија и Данска од 2,3, односно 2,5 отсто.
фото freepic