Бизнис
Хрватска е посакувана дестинација за српските работници, дома испратиле над 100 милиони евра
17.06.2024
Хрватска станува една од најпосакуваните дестинации за работниците од Србија, а за тоа говори и неколкукратното зголемување на висината на девизните дознаки кои се испраќаат меѓу двете земји. Минатата година износот на личните девизни средства кои биле испратени од Хрватска кон Србија изнесувале над 100 милиони евра. Пред неколку години оваа сума изнесуваше меѓу 15 и 20 милиони евра.
Бројот на граѓаните од Хрватска кои работат во Србија е многу помал отколку во спротивната насока. Во 2013 година од Хрватска кон Србија биле испратени 12 милиони евра, а од Србија во Хрватска 7,7 милиони евра.
Во 2017 година има избалансиран однос на испратените девизни средства меѓу двете земји кога од Србија биле испратени 21,9 милиони евра, а од Хрватска 20,9 милиони евра. Од оваа година се случува голема пресвртница во корист на Хрватска. Во 2023 година вредноста на личните дознаки од Србија кон Хрватска изнесуваат 26,3 милиони евра, а од Хрватска кон Србија изнесуваат 132,4 милиони евра.
Причината за ваквата состојба е разликата во платите во двете земји. Просечната нето плата во 2015 година во Србија била 400 евра, а во првите три месеци годинава таа е околу 800 евра. Просечната плата во Хрватска во 2015 година беше под 800 евра, а во првите три месеци годинава е зголемена на 1.200 евра. Сепак, разликата во платите останува иста во апсолутен износ и изнесува околу 400 евра.
Невработеноста во Србија изнесува 9,4 отсто а во Хрватска е 5,3 отсто, што е дополнителна причина за заминување на српските граѓани на работа во хрватските компании, објави „Индекс.хр.“.
фото freepic