Бизнис
Во Србија и Белград паѓа продажбата на станови!
16.06.2024
Во Србија во првото тромесечие во 2024 година се забележува забавување на растот на цените на становите. Овој тренд е присутен во изминатите шест квартали. Во понудата за станови од старата градба меѓугодишниот раст на цените изнесува 4,52 отсто, а во новоградбата растот на цените изнесува 5,09 отсто, објави Републичкиот геодетски завод на Србија.
Бројот на продажба на станови во Србија е помал за 0,7 отсто во споредба со првиот квартал од минатата година. Во првиот квартал годинава се склучени 10.186 купопродажни договори, со вкупна вредност од 834 милиони евра, што е намалување од 2,5 отсто од 2023 година.
Најголем раст на цените на становите е забележан во регионот на Јужна и Источна Србија со 7,16 отсто, а во Белград растот е 4,5 отсто.
Во Шумадија и Западна Србија има значителен раст на продажба на станови од 11,28 отсто и зголемување на вредноста од 24,04 отсто. Во Белград има пад на продажбата на станови од 6,5 отсто и во вредноста на извршените договори намалувањето е за 10,13 отсто. Слична состојба е во Војводина, каде продажбата на станови е намалена за 4,32 отсто, а вредноста на продадените станови е помала за 0,56 отсто, објави РТС.
фото freepic