Бизнис
Во Германија продолжува неповолниот тренд на компании во стечај
15.06.2024
Во првите три месеци годинава 5.209 компании во Германија поднеле барање за стечај. Оваа бројка е за 26,5 отсто повеќе од истиот период минатата година, објави Сојузниот завод за статистика на Германија.
Во мај годинава, биле поднесени 25,9 отсто повеќе стечајни постапки, во споредба од пред една година. Трендот на зголемен број на стечаи продолжува во Германија од јуни 2023 година.
Економистите очекуваат годинава бројот на инсолвентни компании во Германија да достигне бројка од 20.000. Како причина за растечкиот тренд на нови стечаи се наведуваат ослабената економија од периодот на пандемијата, високите цени на енергијата и зголемените каматни стапки. Покрај ова, престанаа да важат и државните мерки за спречување на бранот на банкроти за периодот на пандемијата, пренесе „Сеебиз“.
фото freepic