Бизнис
Словенечката влада не ги зголеми маржите за гориво
14.06.2024
Владата на Словенија даде согласност за новата Уредба за формирање на цените на поединечните нафтени деривати, со што временскиот интервал за одредување на цената на горивата се задржува на сегашните 14 дена. Владата не ги прифати ни барањата на трговците со нафта, за менување на висината на дозволената маржа за горивата, пишува „Сеебиз“.
Максимално дозволената трговска маржа останува 0,0794 евра за еден литар бензин, 0,0783 евра за дизелот и 0,08 евра за мазутот. Претходно беше предложено зголемување на максимално дозволената маржа за бензинот и за дизелот за две липи, но во дополнителното објаснување на службите за информирање на словенечката влада, беше соопштено дека тоа било грешка.
Владата на Словенија планираше и да се прoдолжи интервалот за одредување на цените на горивата од 14 на 28 дена, но тоа предизвика големи реакции кај трговците, по што беше повлечен првобитниот предлог.
фото freepic