Грција треба да го намали интензитетот на изградба и заштита на водните ресурси во приморските региони доколку сака да го одржува туризмот. Во извештајот на грчкиот омбудсман  се предупредува на растечките ризици за животната средина и се повикува на итни реформи во туризмот кој е главен развоен сектор за економијата на Грција, објави „Ројтерс“.

Туризмот учествува со повеќе од една четвртина од приходите во Грција, а во оваа дејност се вработени над два милиони лица.

Околу 33 милиони туристи ја посетиле Грција во 2023 година, што е за пет милиони повеќе од 2022 година. За годинава се очекува приходите од туризмот да бидат зголемени на 21 милијарда евра.

Грчкиот остров Санторини годишно го посетуваат повеќе од 5,5 милиони туристи и остварува годишен приход од милијарда евра, пренесе „Бизнис.ба“.