Бизнис
ИАТА: Авионските компании очекуваат висок профит за годинава
06.06.2024
Меѓународната асоцијација за воздушен сообраќај (ИАТА) ја зголеми прогнозата за остварување на профитот во авиоинскиот превоз за годинава и предвидува приходот да достигне 996 милијарди долари. Ова ќе претставува раст од 9,7 отсто во однос на минатата година. Очекуваниот нето профит за годинава треба да изнесува 30,5 милијарди долари. Податоците за финансиските изгледи на авионските компании се објавени на генералното собрание на ИАТА, кое се одржува во Дубаи, пренесе „Бизнис.рс“.
- Се очекува годинава да бидат превезени пет милијарди патници,а тоа е доказ дека потребата за патување со авион е најсилна во досегашниот авионски сообраќај, изјави Вили Волш, генерален директор на ИАТА.
Се очекува вкупните годишни трошоци за глобалниот авионски превоз да достигнат 936 милијарди долари, што претставува раст од 9,4 отсто и се на највисоко досегашно ниво. Повратот на вложениот капитал во оваа година се предвидува да биде 5,7 отсто.
- Авиоиндустријата е на пат за остварување на одржлив профит, но пости голем јаз што треба да се покрие. Повратот на вложениео капитал е под цената на капиталот, пoсочи Волш.
фото freepic