Бизнис
Неочекуван пад на нарачките кај германските компании
06.06.2024
Во Германија во април годинава е забележано неочекувано намалување на нарачките кон германските компании. На месечно ниво намалувањето изнесува 0,2 отсто, наспроти очекувањата на аналитичарите кои прогнозираа раст од 0,3 отсто, објави германскиот статистички завод Дестатис.
Германскиот статистички завод пресмета дека нарачките најмногу се намалени за транспортната опрема и тие се помали за 15,4 отсто.Новите нарачки за компјутерска и електронска опрема се намалени за 5,1 отсто. Кај електричните производи намалувањето е за 4,1 отсто, пренесува германската информативна агенција ДПА.
Нарачките од странство се зголемени за 0,1 отсто, поради поголемите побарувања кај земјите кои се надвор од еврозоната. Обемот на домашната побарувачка е намален за 0,3 отсто.
На годишно ниво падот на нарачките во германските фабрики во април изнесува 1,6 отсто.
фото freepic