Бизнис
Кои се најголеми купувачи на недвижен имот во Црна Гора?
06.06.2024
Во првите три месеци годинава, најмногу пари за купување недвижен имот во Црна Гора потрошиле граѓаните и фирмите од Србија, кои вложиле 14,6 милиони евра. Инвеститорите од Турција купиле недвижности во вредност од 11,2 милиони евра. Руските купувачи купиле недвижен имот за 8,05 милиони евра, пишува „Вијести“.
Инвеститори од САД купиле недвижен имот за сума од 8,04 милиони евра, граѓаните од Германија инвестирале 7,6 милиони, од БиХ 7,3 милиони, од Швајцарија 3,7 милиони и од Велика Британија 3,6 милиони евра.
Странците во првите три месеци од годинава во Црна Гора инвестирале 36,1 милиони евра во фирми и банки, што е за 11 милиони повеќе од истиот период лани.
Инвеститорите во Црна Гора вложиле најмногу пари во своите компании и банки, во вредност од 20,3 милиони евра, а потоа 14,6 милиони во недвижен имот.
фото freepic