Бизнис
Србија оствари троцифрена стапка на раст на туристичкиот промет
05.06.2024
Србија во првиот квартал годинава е прва дестинација во светот според стапката на раст на приходите од странски туристи, кои се зголемени за 127 отсто во однос на истиот период од 2019 година, соопшти Министерството за туризам и младина во Србија.
Во најновиот барометар на Светската туристичка организација се наведува дека меѓу четирите земји во светот со најголем пораст на туристичкиот промет единствено Србија има остварен троцифрена стапка на раст.
Девизниот прилив од туризмот во првиот квартал годинава изнесува 575 милиони евра. Во периодот јануари-март 2019 година, приходите од странските гости изнесувале 252 милиони евра.
Во првиот квартал годинава продолжува растот на туристичкиот промет во Србија, со раст на бројот на туристи за 10 отсто, а на ноќевањата за пет отсто. Од Министерството за туризам очекуваат 2024 година да биде рекордна година за остварениот туристички промет, пренесува „Екапија“.
фото freepic