Бизнис
Шпанија бележи рекордна вработеност во мај
05.06.2024
Бројот на вработени во Шпанија во мај годинава се зголеми за 220.000, а вработеноста минатиот месец достигна рекордно ниво од 21,3 милиони лица, благодарение на забрзаното вработување во туризмот и угостителството. Во мај во Шпанија имало 500 илјади работници повеќе во однос на истиот месец во 2023 година. За прв пат во историјата повеќе од десет милиони вработени лица во Шпанија се жени, пренесува весникот „Ел Паис“.
Бројот на невработени во Шпанија се намалил за 59.000 лица и изнесува 2,6 милиони, што е најниско ниво од 2008 година.
Највисок месечен раст на вработеноста за 9,3 отсто е остварен на Балеарските Острови. Најмногу нови работни места во мај има во образованието (155.000 вработени), во здравството и социјалните услуги (78.000), а на трето место е угостителството (со 69.000 нови вработувања).
Сепак, Шпанија и натаму бележи висока стапка на невработеност од 11,7 отсто што е двапати повеќе од просекот на Европската Унија.
фото freepic