Бизнис
Колку текстилен отпад се произведува во ЕУ?
03.06.2024
Земјите во Европската Унија во 2020 година произведоа седум милиони тони текстилен отпад или околу 16 килограми на еден жител. Само во Чешка секоја година се создава околу 180.000 тони текстилен отпад. Чешка има околу 10.000 собирни места за текстил. Минатата година Министерството за животна средина на Чешка објави планови за спроведување на задолжително собирање на текстилен отпад од 2025 година. Моментално многу текстил и облека се фрла во кантите за мешовит отпад, што оневозможува да се рециклира текстилот. Новата стратегија на чешкото министерство предвидува отворање на собирни пунктови во повеќе општини за да им се овозможи поголема достапноста на граѓаните за депонирање на текстилниот отпад, сличен на пунктовите за собирање на батерии и електричен отпад.
Земјите во ЕУ произвеле околу 6,95 милиони тони текстилен отпад во 2020 година. Споредено за секој граѓанин, само 4,4 килограми од собраниот текстил се погодни за рециклирање и за повторна употреба, а 11,6 килограми завршуваат во мешаниот отпад. Домаќинствата се главниот извор на текстилен отпад во ЕУ.
Повеќе од половината држави во ЕУ веќе воведоа задолжително собирање на текстил. Луксембург и Белгија се лидери и со највисока стапка на собирање на текстилот. По нив се Холандија и Австрија, кои имаат развиено различен систем на собирање на текстилен отпад во селата, малите места и во градовите. Ниту една од овие земји не може да собере повеќе од половината на сопствениот текстилен отпад. Европската агенција за животна средина апелира до земјите во ЕУ да ги зголемат капацитетите за сортирање и рециклирање, но значителен дел од отпадот завршува во печките за горење, на депониите или како извоз од ЕУ, пренесува „Телеграф“.
фото freepic