Капацитетите за производство на струја од ветер и сонце во Европската Унија пораснале за 65 отсто во периодот од 2019 до 2023 година. Најголем придонес за овој раст дале Германија која учествува со 22 отсто и Шпанија со учество од 13 отсто во обновливите извори на енергија во ЕУ.  Повеќе од половината членки на ЕУ ги дуплирале своите капацитети за енергија  која е добиена од ветер и сонце, покажала анализата на Ембер.  

Од 2019 до 2023 производството на соларна енергија во ЕУ достигна 257 гигавати, а од ветерните електрани е зголемено за третина и изнесува 219 гигавати, пренесува „Индекс.хр.“.   

Целта на Европската комисија е обвновливите извори на енергија да учествуваат со 42,5 отсто од вкупните потреби во Унијата до 2030 година.

Со Зелениот договор, ЕУ има за цел да стане климатски неутрална до 2050 година. Стратегијата вклучува мерки во области како што се енергијата, транспортот, индустријата и земјоделството.

фото freepic