Бизнис
Пензионерите ќе можат да возат автобуси во Загреб
01.06.2024
Претпријатието за јавен градски превоз во Загреб –ЗЕТ се соочува со недостиг од 100 до 150 возачи на автобуси. Затоа, градските власти се обидуваат да привлечат нови работници со зголемување на платите и на коефициентите за возачите. Но, се воведува и дополнителна мерка со продолжување на работниот однос за лицата со навршени 65 години и со ангажирање на пензионерите на дополнителен работен однос од 20 часа во неделата.
- Сите градови во Хрватска имаат потешкотии да ги задржат возачите на автобуси, кои заминуваат на работа во градовите во соседните земји, најмногу во Австрија и Германија. Одлучивме, за возачите кои имаат бенифициран стаж и за оние кои се во пензија да им овозможиме да работат четири часа во текот на денот и да можат да возат автобус или трамвај, изјави Томислав Томашевиќ, градоначалник на Загреб.
Градоначалникот на Загреб вели дека има добар интерес кај пензионираните возачи за да се вработат со скратено работно време, со што ќе може да се одржи редовниот градски сообраќај, објави „Хина“.
фото freepic