Бизнис
Алкалоид АД Скопје е целосно посветен на циркуларната економија
ЦЕНТАР ЗА ЦИРКУЛАРНА ЕКОНОМИЈА
Економија и бизнис | печатено издание | 01 мај 2024г.
Циркуларната економија во пракса подразбира намалување на отпадот на минимум преку продолжување на животниот циклус на производите. Целта е создавање на дополнителна вредност во процесот на управување со отпадот, со продуктивно и повторно користење на материјалите кога производот ќе го достигне крајот на својот животен век.
Пристапот за управување со отпадот во Алкалоид се заснова на принципите од Законот за управување со отпад, како и од насоките од Рамковната директива за отпад 2008/98/EC и од целите за одржлив развој на Обединетите нации.
За да се постигне ефикасност на процесот на управување со отпад треба да се минимизираат потрошувачката на материјали и создавањето отпад. Селектирањето на отпадот, повторната употреба, дефинираните постапки за отстранување на отпадот, економските оправдани процеси на рециклирање или согорувањето со добивање на енергија се само дел од активностите што се преземаат за постигнување на оваа ефикасност.
Алкалоид АД Скопје е посветен на циркуларната економија преку:
• создавање на поефикасни и на одржливи производи;
• избегнување и намалување на отпадот;
• пакување на одредени производи со материјали добиени од рециклирање;
• информирање на корисниците на производите за нивно активно вклучување во животниот циклус на производот;
• негување на организациската култура за управување со отпадот и рационално користење на ресурсите;
• охрабрување на доставувачите во синџирот на дистрибуција за вклученост во циркуларната економија.