Бизнис
Во Црна Гора е зголемен бројот на обложувалници
29.05.2024
Во државниот буџет на Црна Гора минатата година биле уплатени 22,3 милиони евра од концесии за игри на среќа, што е зголемување за 6,1 милиони евра во споредба со 2022 година, покажува извештајот на Управата за игри на среќа во Црна Гора.
За период од една година, бројот на обложувалници во земјата е зголемен од 887 на 1.000, а бројот на клубовите со автомати за игри на среќа се зголемил од 126 на 153.
Од илјада обложувалници во Црна Гора државата наплатила концесија од девет милиони евра од 18 приредувачи на игри на среќа, што е зголемување од пет отсто во однос на 2022 година.Од клубовите со апарати за игри на среќа е наплатена концесија во износ од пет милиона евра. Тоа е за 1,2 милиони евра повеќе од претходната година. Од казината вкупно е наплатено 6,7 милиони евра, од нив четири милиони се наплатени од две еднократни уплати.
Управата за игри на среќа од надоместоци за организирање на наградни игри остварила приход од 37 илјади евра, а од организирање на томбола од затворен тип се наплатени 3,7 илјади евра. Минатата година, од 13 организатори на игри на среќа преку интернет е наплатено концесија од 1,6 милиони евра. објави „Вијести“.
фото freepic